如有雷同 實屬巧合

之前曾聽過一位女朋友講起一件事...

女朋友一向同其男朋友嘅姊姊唔係咁啱...覺得佢為人奇異又討厭...就算識耐咗，都係同佢相處唔嚟...之後直接選擇不相往來...
一次...女朋友買咗件新衫...好雀躍...但無幾耐，居然見到男朋友嘅姊姊又買咗一件同色近款嘅衫...女朋友異常憤怒...認為年紀唔細、一向唔識打扮嘅姊姊係抄襲佢嘅品味...盛怒之下將新衫掉咗...

聽到呢件事嘅時候...心入面都忍唔住諗：「駛唔駛呀??咁啱啫...」

不過原來女人真係好小氣...喺對住自己唔認同嘅人同關係到taste呢啲位時...............起碼我係...

早幾日出去做嘢時...見到一個本身我都唔多like嘅客...喺一路都認為呢個客不知所謂...又唔識嘢...又無腦...又無taste嘅印象下...居然俾我發現佢同我帶埋同一款錶(雖然唔同色)...

哎呀...嗰一刻真係...好嬲呀...

隻錶其實係我18歲時亞娘送俾我嘅生日禮物嚟o家...我係勁勁勁鍾意...一路帶到依家嘅...我對佢嘅鍾愛係咁多年嚟都無變過o家...

但係佢點會出現喺一個咁嘅女人手上o家??????以佢嘅taste喎...

除咗憤怒...我都仲係覺得好憤怒...

當然...我無女朋友咁激...掉鬼咗隻錶...但係都足以令我呢兩日出門帶錶時...都不自覺地諗起呢件事...心情還是久久不能平復...

女朋友...我感同身受啦...