意外嘅Family Day

今天爹娘回鄉祭祖...醒來已剩下我同2佬lu...
其實今日都係應該做功課嘅...但係噚晚做得夜...攪到今日真係好唔願起動返學校做嘢...(係呀...我如果要做嘢就一定要返學校o家...因為我屋企已可算係無腦用啦...)所以都係決定躲懶...做個閒人...lur~

意外地2佬都無出街喎...所以就撩佢玩煮飯仔俾爹娘食...哈哈...佢又應承喎...
一齊落街閒逛...先逛租碟店...吹完一輪想睇咩租咩...最終都係無功而回...佢話屋企有隻「天下無賊」喎...玩嘢呀??
跟住正式準備晚餐嘅食物啦...討論完...買咗白菜仔...草菇...鯪魚肉...露荀...粟米蓉...豆腐...牛肉...我發現咗原來百佳都可以問阿姐：「唔該搭條蔥呀﹗」哈哈...好厲害呀...

返到去先睇碟...嘩...劉若英真係好正...不過睇嗰陣...唔知點解硬係諗起「龍鳳鬥」...
一路睇我就一路「擇」菜o家...好鬼似細個幫阿娘嗰陣...不過嗰時就係一邊睇電視law...

之後真係落手落腳整嘢食時...我首先要切豆腐...嘩...原來好難o家...我...真係切得好核突law...哈哈...2佬不禁講咗句：「邊個娶著你做老婆就死啦﹗」咩啫咩啫咩啫...
好彩最終所有嘢食都似番個嘢食樣...3餸1湯包括...

露荀草菇炒牛肉
冬菇鯪魚餅醸豆腐
蒜蓉白菜仔
粟米豆腐羹

係咪好似好好味呢...真係okay喎...爹娘歸家...難得見我哋兩個都喺度...仲要煮埋飯...真係lum死咗...yeah...
~~~~~~~~~~~~~~~~~~~~~~~~~~~~~~~~~~~~~~~~~~~~~~~

2佬今日提起佢就嚟又要返澳洲...叫我幫阿爹手...哎...我唯有輕輕避開...