不經意的一次

當一件你未曾遇過的事發生在你身上時...往往你會對自己有新發現...

可能你會發現了一個全新的意想不到的令你自己都驚訝萬分的你...
亦可能你明白了你原來是那麼貫徹的...你真的就是你...你永遠不會是另外的那些人...
我慶幸我是後者...

雖然今次的經歷是那麼不愉快...那麼令我痛心疾首...這是一次徹徹底底的錯...錯到我不能接受...而我亦確實未能開懷...但我學懂了多一點我...

心情久久不能平復

泰拳 Lesson 7

意外地...今日居然得我一個人上堂...老師即刻變咗私人教練...正...被努力地執啲拳...好開心...
老師評語：12ok...1234唔ok...拳要直同出哂...要沉肘...要緊腹...右手出拳唔好向後拉...因為唔準有delay...所有拳由下身帶動...下身唔move拳唔準出...左踢好過右踢...出腳後手自然放下...

俾老師下令返屋企一定要捽腳...因為瘀血唔散再踢就會好痛...其實以老師咁溫柔地對待學生...開始幾明點解啲姐姐仔師奶仔咁lum佢...

我要轉腰轉腰轉腰呀...

泰拳 Lesson 6

學習重點：被要求繼續練習左側踢同右側踢，但因為上次踢瘀咗隻左腳，間中偷雞練習其他嘢
老師評語：手要打得高一點，踢腳時動作要更自然順暢，再轉動多點腰及膊頭

哎呀...我隻左腳真係好瘀...今堂一側踢就痛到飛起...唯有踢多啲右腳...但應該俾老師發現咗...
落堂時望吓對腳...今次到右腳紅腫哂...咁我下堂仲可以踢邊隻腳呀?????
係咪要買番對護墊先可以繼續怒踢呢???唔可以堂堂都就住就住o家喎...

好嬲呀...臨走時又俾人捉住...攪到我遲到...間接無新嘢學...
我唔會再俾其他嘢阻到我上堂o家喇...

里程碑

我要為自己鼓掌...

今晚再遇上次那隻大蟑螂先生...我用了10秒時間猶豫(=食希底)...再用了1分鐘時間行動...
我正式宣佈：「23年以來，我第一次拍死蟑螂。」

幫佢收屍o個陣...都仲係好鬼驚...
不得不讚句：好勇呀﹗

感到能量回來中...

突襲

再過多3個半鐘就係Event喇...所以我都係剛剛set完場返嚟...
11點去完小籠包試菜就返公司執一執嘢就全力進軍尖咀...都估到有排攪...但都真係無諗過要咁耐...到2點9頂唔順...唯有派人去7仔買雪糕飲品嚟個5mins break...
break完正式重頭戲...好考工夫呀...仿如刺繡呢...
完工望錶...4點幾...哎...我可唔可以o係尖咀瞓呀﹖

回家的士途上忽然醒起...以前set完場上的士的慣性首要動作係報到...然後返到屋企又一個電話...
原來今次係分手後的首個Event呢...
其實諗番每次打呢個電話...同Event完o個日一定同我出街呢兩樣嘢都幾係我以前覺得好開心嘅事...有個人擔心你嘅安危、辛唔辛苦...o係你好努力地做完一啲嘢後一齊出去relax吓...咁簡單我已經會覺得係鍚我嘅表現...

於是...在絕無僅有的休息時間下...我這刻在想著舊男朋友...亦是我還未休息寫這篇diary的原因...

當然，我清楚這只會是頃刻的思念。

泰拳 Lesson 5

學習重點：學左側踢，連同右側踢練習
老師評語：肩膊要再轉動多一點，但保持視線，注意重心

嘩...全堂都踢...落堂時兩隻腳都又紅又瘀兼發軟蹄...好累...
好似左踢時總係出唔到腰力呢...豈有此理...

喪K

K癮大發...
適逢朋友仔撩玩...真係估你唔到...咁耐無見...好奇怪...通常都係咁嘅時候...啲人就自動出現番...
聯同樊陳嚴大學同學一同K去...

同nana電一個話...續戰K場...已剩下我同朋友仔...估唔到你都咁K得...
我怒唱新歌...你怒唱舊歌...好彩...我都頂到...都係80-90年代o者...克勤學友之嘛...
哈哈...好開心可以兩個人不停狂唱嘅感覺...以後都有番個夜K伴lu...

不過...我覺得你唔同咗...以前嘅你唔係咁o家...
雖然你都仲係下下串我...
「你咁認真唱歌，唔入娛樂圈o徒咗你啦」-> 頂
「唉，做足全套喇，送埋你去搭車又點話呀，幫你攞埋嘢啦」-> 頂頂
哈哈...見番老朋友嘅感覺真係好...

唱咗好多想唱嘅認真歌同hea歌嘅感覺亦都好好...
十個他不如你一個
如果的事
兩個世界
好人難做
要風得風
化蝶
汽水樽裡的咖啡
勞斯.萊斯
越唱越強
好事多為
還未
損友
罪魁
黑白照
你女友
救生圈
...

是晚精選：
李克勤 ~ 這段愛
Never wanna let you go, my babe

泰拳Review

今日已經係我嘅泰拳生涯第4節喇...應承過自己要紀錄低佢...因為上泰拳係近期最令我開心雀躍嘅事...

Lesson 1 : 8/10 (Sat)
學習重點：左一拳，右一拳，跟住係左右連環拳
老師評語：有天份，肩膊要放鬆

Lesson 2 : 12/10 (Wed)
學習重點：重覆練習連環拳，然後學左腳前撐，左腳前撐接右一拳，接連環拳
老師評語：力度夠，但重心不穩

Lesson 3 : 16/10 (Sun)
學習重點：懷疑因熱身時懶散，老師今堂無教我新嘢o家(明明上堂應承過今堂教側踢o家)﹗﹗﹗重覆練習連環拳及左右腳前撐
老師評語：重心須稍向下，防守意識低

Lesson 4 : 19/10 (Wed)
學習重點：終於學到側踢喇，係右側踢，好鬼開心呀﹗
老師評語：出拳有少少偏差，前撐出腳要更快，側踢有用腰力，但要踢得更高

感到仲未係好掌握到用腰力同放鬆2個Key Message呢﹗

註：榮獲nana恩準可以遲啲出現於佢嘅畢業照活動，Yeah，咁可以上埋拳先蒲頭lu...keep住一個星期上兩堂先得...

中毒

哎呀...我真係中咗毒喇...仲好深tim呀...
今日即刻走去食解藥...
好驚呀...以後都唔敢喇...

註：估唔到阿強係咁細心體貼o家...居然剥埋蟹腳嘅殼俾我...即刻覺得佢唔係白痴仔喇...

食得是福

我一定要食早餐嘅...所以一返到公司就叫咗個認真嘅大早餐...
跟住有人送上檀島蛋撻...即刻舉手認投...
Ken約午間短敘...好似推咗佢好多次...再加上有嘢要攞...明明唔餓都去食飯...雖然已經就住及hea食...都係好飽...
行返公司途中...開始想嘔...
足足唔舒服咗好耐之後...都係嘔咗...點解我嘅胃口依家會變成咁﹖明明以前可以食好多嘢...兼唔停口o家喎...

唔可以再係咁喇...聽日要努力做運動...努力開胃...

十萬個粗口呀，唔該。

XYZYYZXYZXYZXYZXYZX....

仆街...好撚嬲呀...即刻好睇唔起自己...去死啦...

正能量 vs 負能量

有好多嘢我唔會唔敢唔應該做、講、諗。

我怕真係會俾你中和呢﹗
所以我選擇叫你早啲抖...

復刻版阿芝

今日終於開始番計劃咗一段日子嘅義工生涯喇...

做義工已經好似係好耐以前嘅事咁...o果陣時係幫YWCA做嘅...我地o係自己組咗一個義工group叫做Oxygen House...意思係要帶氧氣呢樣咁重要嘅嘢俾人...(哈哈...好老土)...每年都serve啲唔同嘅人...老人家啦...小朋友啦...病人啦...青少年啦...大家都好friend...因為要擺好多時間落去一齊開會做嘢...由無到有...一手一腳去攪...
再加埋隔個禮拜去吓保良局同啲小朋友玩吓...帶吓佢o地出街...就係咁過咗5個快樂又有意義嘅年頭...
之後入咗U...因為上莊嘅關係...發現根本唔可以兼顧兩面都要攪function...就停低咗Oxygen House嘅工作lu...

依家開始番...形式都同以前好唔同...因為工作嘅關係...我都真係無心力加身力去做番要planing嘅義工...今次係幫香港痙攣協會旗下嘅一個幼兒會所做活動義工...每星期準時出席幫手就okay...依家係一個係俾自閉或過度活躍嘅小朋友學習正常社交溝通嘅program...對住佢o地...感覺真係好唔同...要好小心好小心咁考慮同處理佢o地嘅感受...你先可以真係俾到一啲佢地需要而你又應該俾嘅嘢俾佢o地...我會好好學習...(一個唔小心會俾佢o地用個頭撞埋嚟o家...哈哈)

介紹自己時...我話俾小朋友聽我叫蚊芝...在場嘅比雪覺得好愕然...其實我真係叫做蚊芝o家...呢個係我中學時嘅花名之一...以前做義工介紹親自己...啲小朋友一聽到呢個名就好開心...我希望依家都可以咁...

做義工對於我嚟講就係咁簡單...將快樂帶俾身邊嘅人...自己亦係快樂中成長...

catch me if you can

o岩o岩準備洗白白時居然俾我發現大蟑螂...啊﹗好驚呀...
點算好呢﹖平時我一定鬼殺咁嘈叫我爹娘幫我攪掂佢...但係...爹娘已經就寢...無理由嘈醒佢o地咁無人性o家喎...有陣時我又會扮睇佢唔到咁唔理佢囉...但又唔得喎...咁我要沖涼呀嘛...

正o係我繼續呆呆地望住蟑螂先生徬徨咗成5分鐘之後...突然間...我忍唔住諗：「其實我都大個女啦，蟑螂都攪唔掂學咩人話搬出嚟住呀﹗」
跟住我就二話不說走去拿起拖鞋就行動喇﹗嘩嘩...勇到傻咗...睇嚟我體內嘅正份子仲係好躍動呢...
可惜...最終都係俾特大蟑螂先生走luck咗...
我下次一定唔會放過你o家...哈哈...我已經諗到方法...只宜智取不宜力鬥...
睇住嚟啦...我要做一個可以自己攪掂蟑螂嘅真女人...哈哈哈...

阿貓：我o地快啲嚟正力量大合唱啦﹗

正能量

琴晚經過一夜詳談...今日我就唔知醒喇...係勁唔知醒...唯有扮病下午先返工...
去到公司附近...突然被一啲洗地工人將啲勁污糟嘅水射到我成腳都係...
望住自己對腳嘅黑色污水點點...我就好開心咁諗：「好彩我今日著短裙同涼鞋啫﹗返到公司沖吓就攪掂。」

嘩嘩嘩...諗完即刻忍唔住笑出嚟...我依家個人真係好positive喎...完全係延續咗琴日嘅跳脫...哈哈哈...

童夢啟事錄

今日起床就即刻趕住睇童夢...估唔到真係咁好...
憑好簡單地看一套戲嘅角度出發...佢真係好感人...
亦唔知點解地...睇完後個人極positive...好多嘢都諗得唔同咗...同朋友仔都不自覺地將某啲套用咗o係自己身上...之前嘅怒氣亦都無哂...

要努力地一點一滴地實踐　好好地利用時間
只感覺　有許多明天　還未兌現　沒上限

新嘅諗法亦衍生出新嘅決定...

~~~~~~~~~~~~~~~~~~~~~~~~~~~~~~~~~~~~~~~~~~~~~~~
以前一路都係可以唔拍拖...但係唔可以無戀愛...會不停地鍾意人...有掛心嘅人先會有動力咁...
依家就真係好似暫時唔需要呢樣嘢...因為實在有太多太多嘅嘢係我更想追求更想得到...我想眼光能放遠大一點...

想徹底地獨身呢﹗
一鼓作氣地約你見面講清楚...如果今晚見唔到你...我就一定講唔出...去到最後一刻都在猶豫...最後之後...還是選擇了...坦誠以對始終是我們之間最可貴的...

曾經曾經想護送你...去到最後那天...但發現那期限原來不是有效日期...卻是此日期前最佳...
雖然我喜歡你...但我想這是好的決定...

還會牽掛　還會牽掛　卻讓我長大

假日

雖然拖住好疲累嘅身軀...但都努力堅持...

1. 晨早同爸爸媽媽飲茶
2. 同nana做運動
3. 去親親大自然

終於好認真地B咗一個BQ喇...正...
大埔彩虹甜品屋...仲正...

堅持還堅持...都仲係痛到想死...

我真的受傷了

好痛...

忽然 - 長洲

原本約咗林生二人飯局...點知突然加埋對佢唔識嘅情侶Ken & Iris...仲要走到老遠嘅長洲...好奇異呢﹗

4人海鮮團變咗攪鬼hea屋概念研討會...哈哈...無咗阿嚴真係成唔到事...
最尾再趕埋個極抵超正3蚊芒果糯米糍...嘩...超好味呀...學阿Ken話齋...知道買夠一打啦...

好豐富嘅一個晚上...

1617

今日一早返咗lab交proposal...8點半未到就抵達lu...專登交之前再執執...因為想再等等...到九點半...打電話俾2佬...點知佢已經起咗身...所以即刻交...然後飛奔返屋企...

話說琴日2佬晨咁早捉住我傾計...先同我講原來佢今次返去澳洲...可能唔再返嚟...即係定居...o果一刻...個心真係好唔舒服...我應承佢今日請假陪佢...所以琴日好努力咁做唒今日要做嘅嘢...然後先攞到假...再今日一早攪埋份proposal...就真係可以full-day陪佢lu...

返去陪佢飲茶...落街幫佢買吓嘢...上返樓幫佢執吓嘢...咁就過咗一日...
佢死都唔肯俾我送機...係嘅...大家都眼淺呢...最後送到佢上車...就bebe...

~~~~~~~~~~~~~~~~~~~~~~~~~~~~~~~~~~~~~~~~~~~~~
突然諗番起
我嘅第一次唱K係同你o係屋企唱音樂錄影帶K嘅「情已逝」...
我日日幫你打電話俾初戀女朋友嚟過佢屋企人o果關...
你第一次走嘅時候...我喊到變豬頭...(好記得o果時係中二)
family day都瞓到好晏先起身...結果係我o地2個人去飲茶...
無聊就迫你陪我玩煮飯仔...結果只係你煮哂...
我陪你行街買嘢送俾人...以免你嘅bad-taste俾發現...
我o地一齊變咗16、17...

諗番上嚟...其實我一路都覺得2佬好孩子氣...你係一個好好嘅人...好錫我...好錫身邊嘅人...但就好似唔鍾意諗嘢咁...所以你呢個決定...真係令我覺得好突然...亦發現原來更孩子氣的人也總有長大的一天...雖然好唔捨得...但係我都好專重你嘅決定...

路係人行嘅...選擇行邊條亦都係自己決定嘅...
16...行成點就睇你喇...17會o係遠遠嘅地方支持你...

發緊夢?

我真係好似唔知自己琴晚做咗啲咩...

好鬼sweet

話說我今日微服出巡到BU嘅comp lab做嘢...一攪就係人哋關lab嘅時候 - 10點...
鍾意行嘅我提議咗行去九龍城...當係散吓步...嘩點知原來都幾遠...足足行咗差唔多半個鐘...
行到九龍城...諗緊食咩時就不期然諗起近期同我推介過呢個地方嘅女女...點知...就喺呢一刻...佢就即刻成個出現喺我前面喇...好鬼驚呀...
即管問吓佢同朋友仔有咩好食...又點知佢朋友仔勁熱心咁帶咗我哋去食糖水...問佢哋食唔食...佢哋又唔喎...咁唯有我同我嘅朋友仔食啦...
食食吓...突然又見到女女同朋友仔又出現番喺甜品店門口...咁奇怪??唔通又想食??
喺我仲未嚟得及有反應時...點知佢朋友仔突然跑入嚟放低盒嘢然後又好快咁跑番出去喎...
一望...呀...原來係許留山嘅芒果糯米糍...呀...好surprise呀...
女女剩係喺門口話係佢朋友仔請我食嘅就走咗lu...
望住芒果糯米糍...真係唔知講咩好...
第一...無諗過女女咁都記得我鍾意食...因為我只係好唔覺意咁講過一次咁大把...
第二...無諗過佢朋友仔會無啦啦買嚟請我食...
第三...無諗過坐喺第二間甜品店時收到許留山嘅芒果糯米糍...仲要一個咁突然嘅舉動...迅速跑入嚟...一粒聲都無出就跑番出去...諗番佢個怕羞樣都真係覺得好好笑...嗰感覺真係好純情好可愛呢...
send番個短訊多謝佢哋...點知我又唔記得咗女女部機係睇唔到中文嘅...哈哈...我鍾意佢reply咗好多次嗰句:"can't read chinese"...哈哈...sorry...我唔會再send錯o家喇
anyway, 多謝哂呀...見到你哋都已經感覺到你哋有幾甜...

Stephy - 盡興

曾給我精彩過　學會慶幸得到過
辛酸痛楚　怎會離棄我　也算不上甚麼
曾給某君拋棄　學會悔恨不應記
首首愛歌　總要溜到尾　就當一紀念碑

＊當天快樂就留做記認　他朝失去也能真的看清
　當天馬路樹旁在約定　怎可保證　快清醒
　懊悔曾任性　願各位傾聽　吐出苦水可更高興
　往日曾路過　就算灰心過　難忘記　在今天也盡興＊

誰都有這身世　未會去問這問題
分手也抵　不介意獻世　懶去反轉常規
誰嗟歎這麼晚　未會責難怕麻煩
不想再揀　任緣份拆散　我要衝破難關
Repeat＊

今天慶幸從前做記認　今天失去也能把它看輕
雖知往日從來是怨命　當天反應　煞風景
懊悔曾任性　就算可適應　吐出苦水可更高興
往日曾做錯　現已經知錯　願忘記　在今天也盡興