不愛，就不愛

喜歡人時，我們會自然感覺到自己喜歡上了這個人。
被喜歡時，我們會自然感覺到自己被這個人喜歡上了。
當不再喜歡/被喜歡時，我們也一樣會感覺到。
世上也有一種東西叫錯覺，那怎麼辦? 除了相信自己的感覺外，還有別的測量辦法嗎?

才沒有呢!!
更理智的，我們也只好以感覺去判決。當真的錯了，你便自然會發覺。

愛我的請舉手，那不愛的，也請說出口。

小動作

每次於工作上認識了人...都總會跟對方交換名片...這是多麼理所當然的事...
只是每次人們交換了名片後...大家都會好認真地望著名片好一陣子...我其實不太明白當中的用意...只是以為這是一份禮貌...直至一次...同老闆出去見客...

客人共有三人...會議後...老闆話：「阿XX真係厲害...跟住佢就真係慘喇﹗」
我好白痴地問：「你又知佢係大粒﹖」
「你收到人卡片時唔係第一時間睇人咩title嘅咩﹖」

哦...原來如此...

今天自己去Island Shangri-La睇場時...見到接洽人...佢收到我名片時嘅下意識睇名片動作...先再一次提醒了我這件陳年往事...原來過了這麼久...我還是沒有養成這個小動作呢﹗
是幸是不幸﹖只是我不太PR吧﹗

溫馨

今晚返屋企時適逢一大班保安叔叔下班...見到一大班年紀唔細(應該真係唔細o家喇)o既保安員好趕好趕咁快步行兼好似走咁趕去搭車...哈哈...忍唔住發出會心o既微笑...因為真係覺得好得意...好似o的細路仔放學咁...一湧而出...再諗一諗佢o地其實可能係趕住返去見一見臨上床o既屋企人...好warm呀...

潮

今晚同阿爹好悠閒地一齊睇電視...無記做緊勁歌金曲頒獎典禮...
適逢劉華攞完獎...跟住到李克勤攞獎...阿爹突然講咗句...「我覺得李克勤好過劉德華」
我呆咗一呆...

「咁李克勤唱歌係好o的o既」
「李克勤o的歌好聽過佢啦」
「你又知﹖」
「呢兩年佢邊度有歌紅o者，李克勤就有」

我即刻回應唔到...
究竟幾時開始阿爹咁留意/清楚流行樂壇o既呢﹖好驚呀...哈哈...

新發現

我發現港島送外賣嘅人係勁過九龍送外賣嘅人o家...
你知唔知點解呀﹖﹖

因為...港島有電車軌呀...哈哈...

訓話

終於跟男人見了一個面...一個簡單的tea...真係千言萬語...

久聞你病到死...擔心死人...見過真人...更加擔心...你真係好瘦呀...我會繼續唔撩你玩...直至你好返...快啲快啲變番肥仔啦...
談談東談談西...你仿佛真的變了老人家...「何必咁辛苦」...尤其是當你發現我嘅「愛心」過度氾濫時...被再度提醒自己其實是如此不濟...不要再過度活躍於他人的事務...一句到尾...顧掂自己先啦...
被你罵的那份理所當然...仿佛看到自己兩年前的承諾未曾兌現...我好像沒有改變過...更莫論進步了...
你看著這個乏力的人的痛心感覺...或許就是我看著之前最潦倒的你時所產生的同樣感覺吧...

你說我不像從前那麼快樂了...這句話真的...令我感到最害怕呢﹗
不過我們有著好一致的「價值觀」呢﹗哈哈...

註：我會繼續有女人味的了...Paul Smith Women...至於好意頭的...在銀包內等你一年後更新呢...多謝這些遲來的聖誕禮物...
~~~~~~~~~~~~~~~~~~~~~~~~~~~~~~~~~~~~~~~~~~~~~~
我相信...生活沒有甚麼別的...除了好好的活...